આંતરરાષ્ટ્રીય બજારમાં ક્રૂડ ઓઈલના ભાવમાં સતત વધઘટ થઈ રહી છે. બ્રેન્ટ ક્રૂડની કિંમત વધીને બેરલ દીઠ 76 ડોલર અને ડબલ્યુટીઆઈ ક્રૂડ પ્રતિ બેરલ 72 ડોલરની નજીક પહોંચી ગયું છે. જોકે, જાહેર ક્ષેત્રની ઓઈલ અને ગેસ માર્કેટિંગ કંપનીઓએ પેટ્રોલ અને ડીઝલના ભાવમાં કોઈ ફેરફાર કર્યો નથી.
ઈન્ડિયન ઓઈલની વેબસાઈટ અનુસાર, શનિવારે દિલ્હીમાં પેટ્રોલ 96.72 રૂપિયા, ડીઝલ 89.62 રૂપિયા, મુંબઈમાં પેટ્રોલ 106.31 રૂપિયા, ડીઝલ 94.27 રૂપિયા, કોલકતામાં પેટ્રોલ 106.03 રૂપિયા, ડીઝલ 92.76 રૂપિયા, અને ચેન્નાઈમાં પેટ્રોલ 102.63 રૂપિયા, ડીઝલ રૂ. 94.24 પ્રતિ લિટરના દરે ઉપલબ્ધ છે.
આંતરરાષ્ટ્રીય બજારમાં સપ્તાહના છેલ્લા ટ્રેડિંગ દિવસે બ્રેન્ટ ક્રૂડ 1.79 ડોલર એટલેકે 2.42 ટકાના વધારા સાથે 75.84 ડોલર પ્રતિ બેરલ પર હતું. તે જ સમયે, વેસ્ટ ટેક્સાસ ઇન્ટરમીડિયેટ (ડબલ્યુટીઆઈ) ક્રૂડ 1.89 ડોલર એટલેકે 2.73 ટકાના વધારા સાથે પ્રતિ બેરલ 71.23 ડોલર પર સ્થિર છે.
