ગુજરાતમાં ફરી એકવાર વાતાવરણમાં પલ્ટાની આગાહી અંબાલાલ પટેલ દ્વારા કરવામાં આવી છે. જે બાદ ખેડૂતો ચિંતામાં મુકાયા છે.
અંબાલાલ પટેલની આગાહીની વાત કરીએ તો આગામી દિવસોમાં કચ્છ તેમજ ઉત્તર ગુજરાતમાં તા. 8 થી 11 માર્ચ દરમ્યાન વાતાવરણમાં પલ્ટો આવવાની શક્યતા છે. તેમજ પવન અને વાદળછાયા વાતાવરણ રહેશે અને કમોસમી વરસાદની પણ આગાહી કરવામાં આવી હી છે. તેમજ 18 થી 20 માર્ચ દરમ્યાન પણ વરસાદની આગાહી હવામાન નિષ્ણાંત દ્વારા કરવામાં આવી છે.
હવામાન વૈજ્ઞાનિકે જણાવ્યું હતું કે, આગામી બે દિવસ હજુ પણ વાતાવરણ સુકું રહેશે. તેમજ માર્ચ મહિનામાં ગરમીથી શેકાવા તૈયાર રહેવુ પડશે. તેમજ અલનીનોની અસરનાં કારણે આ વર્ષે ઉનાળો આકરો રહેશે. તેમજ રાજ્યમાં લઘુત્તમ તાપમાન 2-3 ડિગ્રી વધવાની શક્યતાઓ છે. તેમજ ઉત્તર દિશામાંથી પવન ફુંકાશે. માર્ચ મહિનામાં તાપમાન સામાન્ય કરતા વધારે રહેશે.
