નાશિક જિલ્લાના માલેગાંવ શહેરમાં એક એવી ઘટના બની જેણે સમગ્ર દેશનું ધ્યાન ખેંચ્યું. શું તમે ક્યારેય વિચાર્યું છે કે જો અચાનક તમારી સામે દીપડો દેખાય તો તમે શું કરશો? 12 વર્ષના એક બાળકે દીપડાને એવી રીતે ચકમો આપી દીધો કે આજે તેની દરેક જગ્યાએ પ્રશંસા થઈ રહી છે. છોકરાએ દીપડાને જોયો કે તરત જ તેણે સમય બગાડ્યા વિના તેને એક રૂમમાં કેદ કરી દીધો. સીસીટીવી કેમેરામાં કેદ થયેલો તેનો વિડિયો આજે બધે વાયરલ થઈ રહ્યો છે અને દરેક આ 12 વર્ષના બાળકની બહાદુરીને સલામ કરી રહ્યા છે. ચાલો જાણીએ શું છે સમગ્ર મામલો.
નાની ઉંમરે એક મહાન પરાક્રમ
આ 12 વર્ષના બાળકનો અદભૂત વીડિયો સોશિયલ મીડિયા પર વાયરલ થઈ રહ્યો છે અને લોકો બાળકની બહાદુરીના વખાણ કરી રહ્યા છે. વાયરલ થઈ રહેલા સીસીટીવી ફૂટેજમાં જોઈ શકાય છે કે કેવી રીતે એક નાનું બાળક રૂમમાં દરવાજા પાસે બેસીને મોબાઈલ ફોન પર ગેમ રમી રહ્યું હતું, ત્યારે અચાનક એક દીપડો રૂમમાં ઘૂસી આવ્યો. તે છોકરો તરત જ તેનું મગજ ચલાવે છે અને ઉભો થઈને ઘરની બહાર નીકળી જાય છે અને તે જ સમયે રૂમનો દરવાજો બહારથી લોક કરી દે છે. જેના કારણે દીપડો રૂમની અંદર ફસાઈ જાય છે. સામાન્ય રીતે, જો કોઈ અચાનક તેની સામે દીપડો જુએ તો તે ચોંકી જાય, પરંતુ અહીં ડર્યા વિના છોકરાએ ચતુરાઈથી દરવાજો બંધ કરી દીધો અને દીપડાને રૂમમાં જ કેદ કરી દીધો.
દીપડાને બચાવ્યો
દીપડાને રૂમમાં બંધ કર્યા પછી છોકરાએ પહેલા તેના પિતાને તેની જાણ કરી અને પછી પોલીસને તેની જાણ કરવામાં આવી. જે બાદ પોલીસ અને વન વિભાગની ટીમે ઘટના સ્થળે પહોંચીને દીપડાને બચાવી લીધો હતો. વનવિભાગની ટીમે પહેલા દીપડાને ચકમો આપ્યો અને પછી પાંજરામાં કેદ કરાવ્યો હતો.
બાળકની બહાદુરીને સલામ
આ ઘટનાનો વીડિયો સોશિયલ મીડિયા પર ઝડપથી વાયરલ થઈ રહ્યો છે. આ વીડિયો સોશિયલ મીડિયા સાઇટ X પર @AskAnshul નામના પેજ પરથી શેર કરવામાં આવ્યો છે. સમાચાર લખાય છે ત્યાં સુધી 9.45 લાખથી વધુ લોકોએ આ વાયરલ વીડિયો જોયો છે અને લોકો કોમેન્ટમાં છોકરાના વખાણ કરી રહ્યા છે.
https://x.com/AskAnshul/status/1765292389839798381?s=20
