IPL 2024 ની પાંચમી મેચમાં ગુજરાત ટાઇટન્સે મુંબઈ ઈન્ડિયન્સ (GT vs MI) ને 6 રનથી હરાવીને મેચ જીતી લીધી. ટોસ હાર્યા બાદ પ્રથમ બેટિંગ કરતા ગુજરાત ટાઇટન્સે 20 ઓવરમાં 6 વિકેટ ગુમાવીને 168 રન બનાવ્યા હતા. જ્યારે મુંબઈ માત્ર 162 રન બનાવી શકી હતી.
ગુજરાત માટે સાઈ સુદર્શને સૌથી વધુ 45 રન બનાવ્યા હતા જ્યારે કેપ્ટન શુભમન ગીલે 31 રનનું યોગદાન આપ્યું હતું. બોલિંગમાં જસપ્રીત બુમરાહે તબાહી મચાવી હતી, માત્ર 15 રન આપીને ત્રણ મોટી વિકેટ લીધી હતી.
લક્ષ્યનો પીછો કરતી વખતે મુંબઈનો દાવ શરૂઆતથી જ ખોરવાઈ ગયો હતો. જોકે, રોહિત શર્મા (43) અને બ્રુઈસ (46)એ ચોક્કસપણે મુંબઈને વાપસી કરવાનો પ્રયાસ કર્યો હતો. સાઈએ રોહિતને આઉટ કરીને આ ભાગીદારી તોડી હતી. જ્યારે, બ્રેવિસને મોહિતે આઉટ કર્યો હતો.
મુંબઈ ઈન્ડિયન્સે છેલ્લી ત્રણ ઓવરમાં 5 વિકેટ ગુમાવી દીધી હતી. મુંબઈને જીતવા માટે છેલ્લી ઓવરમાં 19 રનની જરૂર હતી. હાર્દિક પંડ્યાએ પહેલા બોલ પર સિક્સર ફટકારી હતી. બીજા પર ચોગ્ગો ફટકાર્યો હતો. ત્રીજા બોલ પર કેચ આઉટ થયો. પિયુષ ચાવલા ચોથા બોલ પર આઉટ થયો હતો. અંતે મુંબઈ 6 રને મેચ હારી ગયું હતું.
