વિશ્વનું સૌથી પડકારજનક એરપોર્ટ ભારતના પડોશમાં આવેલું છે. અહીં માત્ર 50 પાયલોટ જ વિમાન ઉડાવી શકે છે. એક નાની ભૂલ ઘણી મોંઘી પડી શકે છે. ભૌગોલિક સ્થિતિ આ એરપોર્ટને પડકારરૂપ બનાવે છે. અહીંનો પાયલોટ વિશેષ તાલીમ મેળવ્યા બાદ જ વિમાન ચલાવવા માટે લાયક બને છે. બપોર પહેલાનો સમય ફ્લાઈટ માટે યોગ્ય છે.
શું તમે વિશ્વના સૌથી પડકારરૂપ એરપોર્ટ વિશે જાણો છો? વિશ્વનું સૌથી પડકારજનક એરપોર્ટ ભારતના પડોશમાં છે. ખાસ વાત એ છે કે આ એરપોર્ટ પર ફ્લાઇટ ઓપરેટ કરવા માટે દુનિયાના માત્ર 50 પાઇલોટ ક્વોલિફાઇડ છે. આ એરપોર્ટ ભૂતાનનું પારો છે.
ભૂટાનનું પારો એરપોર્ટ ઊંચા શિખરોથી ઘેરાયેલું છે. અહીં નાની ભૂલ મોટી દુર્ઘટનાનું કારણ બની શકે છે. જો પાઈલટને એરપોર્ટની આસપાસના વિસ્તારની જાણકારી ન હોય તો તે અહીં ફ્લાઈટ લેન્ડ કરી શકે નહીં. પારો એરપોર્ટ પર વિમાનો 18,000 ફૂટના બે શિખરો વચ્ચે ટૂંકા રનવે પર ઉતરે છે.
જમ્બો વિમાનો ઉતરી શકતા નથી
સીએનએનના રિપોર્ટ અનુસાર ભૌગોલિક સ્થિતિના કારણે પારો એરપોર્ટ પર જમ્બો જેટનો ઉપયોગ કરી શકાતો નથી. છેલ્લા 25 વર્ષથી ભૂટાનની સરકારી એરલાઇન ડ્રુક એર માટે કામ કરી રહેલા કેપ્ટન ચીમી દોરજીએ સીએનએનને જણાવ્યું કે પારો મુશ્કેલ છે, પરંતુ ખતરનાક નથી. પાયલોટની કુશળતા માટે તે પડકારજનક છે, જો તે ખતરનાક હોત તો હું ઉડાન ન કરી શક્યો હોત.”
વિશેષ તાલીમ ધરાવતા પાઇલોટ જ વિમાનને લેન્ડ કરી શકે
પારો એ ભુતાનમાં C શ્રેણીનું એરપોર્ટ છે. મતલબ કે ખાસ તાલીમ મેળવનાર પાઈલટ જ અહીં વિમાન ઉડાવી શકશે. દોરજી કહે છે કે પાઇલોટ્સ માટે એરપોર્ટની આસપાસના લેન્ડસ્કેપને જાણવું મહત્વપૂર્ણ છે. જો એક ઈંચનો પણ તફાવત હોય તો તમે કોઈના ઘરની છત પર ઉતરી શકો છો.
પર્વતો પડકારરૂપ
પારો એરપોર્ટનો રનવે માત્ર 7,431 ફૂટ લાંબો છે. રનવેની બંને બાજુએ બે ઊંચા પર્વતો છે. જેના કારણે પાઈલટ રનવે ત્યારે જ જોઈ શકે છે જ્યારે તેની ખૂબ નજીક ઉતરે છે.
પાયલોટ માટે સ્થાનિક જ્ઞાન જરૂરી
સ્થાનિક જ્ઞાન અને કૌશલ્ય વિના અહીં પ્લેન લેન્ડ કરવું જોખમ ભરેલું છે. ભૂટાનની રાજધાની થિમ્પુ દરિયાની સપાટીથી 7,710 ફૂટની ઊંચાઈએ છે. પરંતુ પારો 7,382 ફૂટની ઊંચાઈએ છે. વિમાન વધુ ઝડપથી ઉડે છે કારણ કે ઊંચા સ્થળોએ હવા પાતળી હોય છે.
આ સમય શ્રેષ્ઠ
પારો એરપોર્ટ પર બપોર પહેલા પ્લેનનું લેન્ડિંગ સૌથી યોગ્ય માનવામાં આવે છે. વાસ્તવમાં બપોર પછી પવન વધુ મજબૂત બને છે. તાપમાન પણ વધે છે. સવારે પવન શાંત રહે છે. ચોમાસા દરમિયાન અહીં એરક્રાફ્ટનું સંચાલન કરવું વધુ પડકારજનક બની જાય છે.
